| lyric | 1. Mueter, de Mäi isch choo,
d Vögeli boued schoo
s Näschtli im Buechehaag
zum Mäietaag.
Mach is nüd au eso,
s Schätzli, das han i schoo,
s lyt mer al Taag im Sy,
won i au bi.
2. D Böim trääged Hoochsiggruscht,
s Heerz chlopfed luut vor Luscht.
Wie chönts ä andersch sy,
s Schätzli ghöört my.
Mueter, tänk zrugg a diich,
gäll, so verstaasch du miich,
i mues en Gspaane haa,
des gseesch mer aa.
3. S Hüüraate isch nüd nöi,
s Schätzli isch lieb und tröi.
Was wett i suscht na mee,
s Plange tuet wee.
S Chränzli lyt scho peraad,
d Tracht git sym Hoochsigstaad,
Meuter, i bitt di drum,
ghäis es wilkumm.
4. So wämer Hoochsig haa,
sälbander z Chile gaa,
myn liebschte Schatz und iich,
bin i nüd riich?
S Zliechtgaa wwer iez verby,
chönd äisder zäme sy,
Mueter, s isch öises schick,
Gott gäb is Glück. |