| lyric | 1. Im Summer ischt eim wider wohl,
da cha me wider lääbe,
im Summer ischt eim wider wohl,
da cha ma wider sy.
De Taag isch lang, der Himmel blau
und d Sunn regiert, die goldig Frau,
es gaad alls wie vergääbe,
im Summer ischt eim wider wohl.
2. Im Summer läbt me wider uuf,
da mag me wider lache,
im Summer läbt me wider uuf,
da mag me wider sy.
Ein Silberspiegel ischt de See,
ke trüebs und tunkels Fläckli meh,
da wird me woll verewache,
im Summer läbt me wider uuf.
3. Im Summer wird de wider jung,
au mit de graue Haare,
im Summer wird me wider jung,
ua mit de graue Haar.
Es ischt wie wä me Flügel hett:
Wie deet säb Wülchli, wo me gseet,
da mag me wider lache,
im Summer wird me wider jung. |