| lyric | 1. Es maielet scho, es maielet scho!
De Spielma Lenz ischt wider do.
De langi Winter ischt verby,
und d’Welt voll Liedli und Sunneschy.
Es grüent und blüeht, es hät kei Art,
wie wenn en Juchzer usefahrt.
S’ischt Früehlig, s’ischt Maiezyt!
2. Lueg, d’Erde treit en anders Chleid;
weiss nüt vo Gram und Winterleid,
und alles macht en anders Gsicht
wies Bluescht us ale Stude bricht.
Und d’Freud ischt wider üse Gascht.
Wirf ab au du di Winterlascht!
S’ischt Früehlig, s’ischt Maiezyt!
3. Wie chnoschpet au das Maiegrüe!
En jede Baum will wider blüeh.
Es dotterblüemlet um und um,
und Pfingschte lütets; chumm au, chumm!
Und d’ Vögel baued d’ Näschtli scho,
und ales singt und jublet froh.
S’ischt Früehlig, s’ischt Maiezyt! |