| lyric | Der Mond! Wia schön du heunt
von Glockner auserwachst!
Dir sing i ’s beste Liad,
Weil’s d’ gar so freundlich lachst.
An Alm, so saftig grüan;
a Nacht, so hell und klar!
Wer da nit glücklich is,
is recht an armer Narr!
Mei Brust hebt sich vur Freud;
und selig is mei G’müat;
sogar das Veigerl lacht,
das drent bein Wildbach blüat.
Die Röserlan und Bam’,
die stolze Felsenwand, -
Mir Alls sagen dir:
„Guat’n Abend, liaber Mond!“ |