| lyric | 1. Jetz Meitschi use n usem Näst!
Nämd s Trachteröckli füre.
De Schatz wott hüt as Trachtefäscht
und wartet vor der Tü-re.
Er hed es schöns bruuns Chiteli a
und uf em Huet e Meie.
Dä wird mer au e Meinig ha
und sich des Läbes freue!
2. Die junge Meitschi müend vor us,
die Alte hindenoche.
Si fahre mit em Autobus,
so zoge jetzt am Doche!
D Handorgele hed e Chlappe zvil,
mer cha nid alli drücke.
Und wenn der Lunzi spile will,
so muess er zerscht no flicke.
3. Die Fahrt, die isch as wie n e Traum,
si jodle und si singe
wie d Vögeli uf em Eschpebaum,
wenn si es Ständli bringe.
Wie schön de Gsang, wenn s Härz derby
und all die Trachte strahle!
Do möcht i au e Moler sy
und all die Meitschi mole.
4. Wär söll denn au a so me Tag
ch nid des Läbes freue?
Jo wär mit eus nid juzge mag,
dä wird es spöter greue.
Und blibt i dir au nur e Räscht
vo alle dene Freude:
So wird dir doch das Trachtefäscht
zytläbes nie verleide. |