| lyric | 1. Kumm uff Basel, kumm an Rhy,
s ka kai Stadt vyl nätter sy,
lueg vom Minschter iber d Stadt,
gang uff d Fähri, mai dasch glatt.
Promenier derno am Rhy
und gniess dä Fluss voll Poesy.
Ref.: Kumm, bsuech Basel, unsri Stadt,
s git in dr Schwyz kai Stadt so glatt,
so haimelig voll Fantasy
ka numme unser Basel sy.
2. Ins Museum muesch denn go,
sälteni Sache gseht me do,
gseht me do, zum Picasso,
unsrem Frind, lauf nit dure, s wär e Sind.
Lueg d Sääli näbedra
mit däne alte Maischter a.
3. Bisch au ehnder mee modärn,
laufsch dur d Altstadt trotzdäm gärn
trotzdäm gärn, lueg vom Andreas d Stapfle uff
s Imbergässli, muesch duruff,
denn waisch Du au wieso
mer dien uff unsri Gässli stoh.
4. Duets in Basel Vieri schloh,
in dr Stadt duet s Liecht usgoh,
s Liecht usgoh, d Fasnacht zimpftig
um sich grifft, wenns duet ruesse,
herrlig pfyfft, denn sinn mer gärn ellai,
los Fremde, gäll, denn blibsch dehai. |