| lyric | Bin ä lustige Gsell,
Gang’s more wie’s well;
Hüt sunned’s im Hag,
’s git ä heitere Tag.
Jetz fahri durs Land,
Im ledige Stand,
Und ledig a Guet,
Aber Rose am Huet.
Vom Gade am Rai
Goht ’s Burechind hei;
Hät dr Milcheumer trait,
Und gjuzt über d’Weid.
Gottgrüeßdi, liebs Chind,
Gib äs Almuese gschwind!
Häst äs Müli weleis,
Gib äs Schmützli uf d’Reis!
Frönds Bürschtli, gottwilch!
Do häst ä Schluk Milch
Und äs Schmützli derzue.
Söö dr beedes wohltue!
Liebs Maitli, bis gschyd!
Eis Schmützli ist nüd,
Und zwei sind nüd gnueg;
’s burcht vil, bis ’s es tuet.
Schlimms Bürschtli, jetz höir!
Ha di nüd uf dr Stöir.
Dä tuet jo wie lätz.
Bi nüd dy Lehrplätz.
Und gsächt di my Bur,
Wurd d’Milch alli sur.
Ä einzige Blik
Miecht ä Eumer voll dik.
Was lyt mi dy Bur.
Las’ d’Milch wärde sur.
Hungsüeß sind dy Schmütz.
’s ist schöin i dr Schwyz! |