| lyric | Jetz hemmer wider Pfyffertag.
Hüt pfyffed mer uf Not und Chlag;
Mer hend no Wyb no chind.
Mer spiled ’s Pfyffli übre Hag,
Mer spiled’s hüt durs Stedtli ab
Und more i all Wind.
Mer hand ä wäche Pfyfferchüng.
Sy Chron ist fäderliecht und gring,
Dr Mantel nümme ganz.
Äs Zepter hät d au ä keis.
Glych blost r uf em Pfyffli eis,
Sä mueß em alls a Tanz.
Gegrüeßt sei Unsre Liebe Frau!
Und alli nüvre Maitli au,
Wo hüt eis tanze wend.
Hend more ihri liebi Not,
Wän mir vom Schybli d’Röisli rot
Und d’Härzli mit is nend.
Hüt hemmer wider Pfyffertag.
Hüt läbed mer was d’Stadt vermag,
Und ihri schöine Chind.
Hüt pfyffed mer im Vogelschlag
Und more übre grüene Hag
Frylustig i all Wind. |