| lyric | Lustig wil me ledig ist!
Wien ä Gugger ledig
Haarus, har my Hälibard!
’s gaht uf d’Stadt Vynedig.
Übre Gotterst wemmer zieh,
Bis is Wältschland appe.
Dermal gilt’s am Künig Franz,
haued em uf d’Chappe.
Simmer übre gstübed Stäg
Einist mit dä Fähne,
Bhüet di Gott, liebs Müetterli,
A dr Stägelähne!
Häb di warm im Guggehur,
Lustigs Annebethli!
Sötti läbig umecho,
Git’s äs Fazänettli.
Haarus, haarus, Künig Franz!
Mier sind suberledig.
Der Gang, meine, mueßt a Tanz
Sant der Stadt Vynedig.
’s hed der inne vil Bargälds
Und schwarzeigig Gspuse.
Haarus, grächdi Künig Franz!
Haarus, Bälleduse!
Wä mer nümme chömid hei,
Brucht is niemer z’hole.
Taiff im Wältschland bleiked d’Bei;
D’Seele tuet’s nid tole.
Wandli übre gstübed Stäg
Zrugg is Schwyzerländli.
Gaht’s as Schätzlis Hus verby,
Rusche lammer ds Fähndli.
Chömmer bis wo d’Muetter waldt
A dr Stägeähne,
Hälf Gott, as käs Lüftli gaht
Über üsi Fähne! |