| lyric | I stirbe nüd gäre,
Chäm’s a mi wän’s well,
Drum blyb au nu by mer,
Du plogedi Seel!
’s ist gar sä schöin z’fahre
Im Lanzig wän’s blüeht,
Ä Maie im Hüetli,
Und eine im Gmüet.
Und schöin isch im Summer
Im Schatte eis z’rueh,
Wän d’Sunne nüd weißt wo
Alls Schynguld hitue.
Wän d’Wildräbe räuked
Im Herbst a dr Wand,
Und nu ämol d’Hoffnig
Ufgoht wien ä Brand.
Wän ’s Christchindli z’Weihnecht
Goht um überei;
Und ’s Härz i dr Fröndi
Wil hei, o, nu hei!
Vileh äs trüebs Güntli,
Wo d’Sunne drus lacht,
Äs Stärndli im Näbel,
As allewyl Nacht. |