| lyric | Und wo dr Pfyffer huurt am Rai,
Und stunt is Faregras,
Was hät r gseh? Sy eigi Seel,
Wie dur nes Pfeisterglas.
Si gugges us dr rote Quell
Im teuffste Härzensgrund,
Äs wien äs Wasserfraueli
Und sait: Ich wär nu gsund!
Und wo dr Alt goht übre Rai,
Sä fahrt ä Schnee is Land.
Due setzt r’ s Schwäbelpfyffli a
Mit zittriger Hand.
Und blost is Wätter und i Wind
Ä frohe Hochsigtanz;
Und lauft i d’Stübede dervo,
Im Hoor ä Silberchranz.
Ist gloffe bis i teuffe Wald,
Und ist verfrore dri.
Im Härz das Wasserfraueli
Wird au igfrore sy. |