| lyric | Schöün isch uf dr Nistre z'ligge. Jaha.
’s macht eim nie kä chrumbe Rügge. Näa.
ds Pfyffli tued eim baser brünne.
’s z’Abig chan eim nid vertrünne.
Nusode, jetz chan äs sunne;
Mier hend’s ächly äs Schläffli ta.
’d Wält söll drum nid undergah.
Ejä, mier sind glylacht z’fride. Jaha.
’s breicht nid jedrem alls danide. Näa.
’s tued’s a Anke, Milch und Schotte,
An re schöüne Bäsigotte.
Nusode, jetz söll äs tschättre,
Urchi Schierefisel wättre.
Ds Gliger wird wohl sicher sy.
D’Sündflued ist ja scho verby.
Lue, dr Bälzel fat a gaihne. Jaha.
Ase cha’s kä Gumelzeine. Näa.
Ist nächt ufgsy be Soroli
Und ’me wachbre Bueberolli.
Nusode, mier wend is streke!
Land’ is Zyd und tüend nid reke.
’s sprängt ja nienehalb äso.
Ds Chileloch laufft nid dervo. |