| lyric | 1. Mir isch's, i gseih mis Müeti
no gäng vorusse stoh:
dur’s Wägli bin ig abe
für furt id’ Frömdi z’goh.
No einisch hanig umme gluegt,
do het’s no trurig grüeft:
Schryb de gly.
2. Im letzte Hus am Fänster
het’s Meiestöckli gha,
und’s aller schönsti Meitli,
das luegt mi fründli a:
es her met no nes Rösli gäh,
und het no lyslig gseit:
Schryb de gly.
3. Hüt chummig us der Frömdi
is alte Dörfli hei.
Wo chani’s Müeti finde?
Das seit e wysse Stei.
Und’s Meitli het en Andre gnoh,
jetzt rüeft mer niemer meh:
Schryb de gly. |