| lyric | 1. Mis Hüsli hät e g'schindlets Dach,
es stoht am schönste Oertli,
of wisse Mürli alt ond schwach,
verzöllig sölb mengs Wörtli
drom gang i gern no i ond us,
im liebe alte Vaterhus.
2. Vo’r Sonne isch es bru verbrennt
de Täfer mags verträge,
es wird vom Wetter nüd verwennt,
mengs Gschichtli chönnts ös säge,
drom gang i gern no i ond us,
im liebe alte Vaterhus.
3. Ond d’Schibli, allno hell ond klar
sänd locker zwor im Rahme,
me gsieht dördör no wonderbar,
wie do scho mini Ahne.
drom gang i gern no i ond us,
im liebe alte Vaterhus. |