| lyric | 1. An der Gränze stoh, das isch schön und guet,
denn do schtoh je für dy Heimetland parat;
aber schliesslig hesch kei Forällebluet,
denn suscht wärsch jo z’letscht emänd ai kei Soldat!
Nei ’s Konträri, das isch meischtens ’s Gegeteil:
Du hesch Läbe und du weisch, zue was ’s di zieht
Für e nätte Has wär dir de Lüfzer feil
und du wünschischt dir voll Sehnsucht für die Gmüet:
Ein schneidig Häslein für im Wald und Heide,
’s wär eine Augen-, Ohren, Herzensweise.
’s burcht kei Tochter vom e Bankier z’sy,
wär Durscht het, trinkt au Konsumwy, jawoll!
’s burcht nur e Maitli mit ’me nätte Gfräsli, hei!
E schneidigs Häsli,
für ’s Härz und Väsli, hei,
e richtig, härzig, glunge, suuber Schwyzerhäsli, hei!
2. Stäggt me monatlang im Soldatekleid,
muess me Sehnsucht noh me bitzli Liebi ha.
Zwor e Liebschti hänn mir jo wit und breit,
die ghört jedem und die heisst: Helvetia!
Die isch lieb und guet, doch leider zue abstrakt,
und umarme ka si kein, so gärn er’s tät!
Was ’s Soldatebluet denn doch ganz andersch packt,
wär: e richtig, saftig Maitli ... wnn er’s hät: |