| lyric | Zum Müeti bi-n-i gange
is liebe-n-alte Huus.
Gar fründlig hets mer gwunke
zum Bluemefänschter us.
Ha wider welle wyters goh,
do seits: „Blyb no nes bitzli do.“
Bym Schätzli bi-n-i gsässe
i sälber Summernacht.
Schynwürmli hei im Gärtli
gar herzig Liechtli gmacht.
Schlof guet, my Schatz, i mues jetz goh:
do seits: „Blyb no nes bitzli do.“
Voruse fohts a nachte,
i stoh am Wiegebett
vo üsem liebe Chindli,
wo lang scho scholfe sett.
I mache lys, wott use goh:
do seits: „Blyb no nes bitzli do.“ |