| lyric | I weiss en stille blaue See,
höch obe, fast bim Gletscherschnee.
So tüüf, so rein, so blau, so klar
ist au mym Schatz sys Augepaar.
Die Auge-n-ach! Sind’s reinst Gedicht,
drum heißt mys Chind: Vergißmeinnicht!
Und woh-n-i gah und woh-n-i stah,
die Auge gönd mer immer nah.
O Schatz, myn Schatz, wie tuets mer weh,
daß ich vo dir mueß Abschied ne.
B^hüet Gott, du liebli’s Engelgsicht,
b’hüet Gott, du mys Vergissmein nicht!
Briegg nüd die schöne Äugli trüeb,
i chumme wider, herzigs Lieb,
will a di dänke frühe und spat,
wänn’s Sternegold am Himmel staht,
wänn Morgeluft dur’ Matte strycht
Gott bhüeti, liebs Vergissmeinnicht. |