| lyric | 1. Guete Tag, du schöne Morge,
guete Morge, nöie Tag!
Schänk mer Fröid, und schänk mer Sorge,
aber nu so vil i mag
uf den äignen Achsle träge
und verschaffen i mym Härz,
schliessli stan i i mym Läbe
erscht am Afang zmitzt im März!
2. Bis willkumm, du schpne Morge,
gimmer d Hand, du nöie Tag,
d Fröid und d Müe und s Glück und d Sorge
hebed i mym Läbe d Waag.
Jtz stan i scho zmitzt im Summer,
zueversichtli, gsund und zwäg.
Dank der Fröid schynt, trotz em Chummer,
mir na d Sunne uf de Wäg.
3. Abig wirds, läb wohl, myn Morge,
z Änd gat öisi churzi Zyt.
Au bi mir ischs Abig worde
und de Herbscht isch nüme wyt,
aber d Wërmi han i b’halten
und au s Liecht törf by mer sy.
Nid nu d Juged, ä di Alte,
alles läbt vom Sunneschy. |