| lyric | Es ist vor alte Zyte gsy,
Z’Einsiedle ruked d’Schwyzer i,
Dr Läuffer mit dä Chnöchte.
Tambur, jetz chlopf dr Fahnemarsch!
„Wo ist jetz das Rebälleghüt? !
Dr Ruppärt Chäli wemmer hüt
Und d’Waldlüt all die schlächte.“
„Tue uf dy Tür, du Galgebueb,
Se git’s im Schwyzerländli Rueb,
Dä mueßt ga Schwyz vor d’Herre!“
Tambur, jetz chlopf dr Fahnemarsch!
Dr Wänirotsherr hand s’ am Gurt.
„Jetz gleitig üb’re Hogge furt;
Das söll is niemer weher!“
Und wo s’ wend übder d’Alp usgoh,
Se stöhnd ä Schübel Waldlüt do:
„Mer wend i d’Freud verhye!“
Tambur, jetz chlopf dr Fahnemarsch!
Es git ä Chlepfede und Tätsch.
„Und wend r Wätsch, se hend r Wätsch!
Si söled is nüd rüe.“
Si hend dr Ruppärt Chäli gfryt.
„Se gsehnder’s jetz, ihr Nochberslüt,
Mer lönd is nüd lo druke.
Wend wie vor alters zueni stoh,
Wend mit i z’Chrieg wie albig goh,
Nu wmmer is nüd puke.“
Tambur, jetz chlopf dr Fahnemarsch!
Dr HHansjör Lienert rüpeft’s is Land.
Und ’s Rappefähndli ninnt r z’Hand:
„Uf d’Chnü, ihr Ärztyrane!
Böis hend r glöihned üs’ri Trü,
Drumm fahred hurtig eis uf d’Chnü,
Und ehred üs’rs Fahne!“
Tambur, jetz chlopf der Fahnemarsch! |