| lyric | Dr Wy will ich im Glesli ha,
Im Glesli fyn und gschliffe.
Äs luegt mi wie’s rot Fähndli a
Uf alte Däneschiffe.
Scho mängist sind dem Fähndli no
Allsäme my Gidanke,
Und voll wie d’Schiff sind s’ umecho.
Und wän dr Wy im Glesli sunnt
Äs wie dr Tag im Tröigli,
Isch wien äs Aug wo gäg mer chunt,
Wie ’s Sträneli us em Äugli,
Und tused Stärneli chönd mit,
Bis’s z’letzt ä Ringelreihe
Vo guldne Wälte um mi git.
Dr Wy will ich im Glesli ha
Und nüd im Kaffeebekli.
D’Ros, wo am beste schmöke cha,
Hät au das herrlist Rökli.
Und fyner nu äs Liederchelchli.
Se fyn wie ’s Glük vo Edehal. |