| lyric | In di da spir sulegl va a ruaus,
ed ord la cauma vegn la sera calma
Zanua aunc gligliucca ina schualma
ch’ei stauncla ca dumbrar pli ditg canvaus.
Il zenn dalunsch tarmett’ in brausel tien
e levzas cotschnas dallas frosslas miran,
atras las spinas dil spinatsch busiran.
E vals e vitg e con spitg han sien.
Aunc paradescha tut en saun fegliom
e loschas dalias en curtgin endiran,
el serenezi steilas chi s’envidan,
lu crodan e sestezzaun el cagliom. |