| lyric | 1. Fila, fila, fila, mulinè melnüz,
cha la sair’ ais gnida e’l pavagl ais stüz.
Vaiva proprnieu bod da’m marider;
mo la mamma mia disch da lascher star.
2. Vaiv’ ün maruset, mo l’ais our d’pajais
e perque gugent ün oter pigliess bain.
E per que gugent ün oter pagliess bain,
fin ch’el vo davent, cha’l mieu vain.
3. Eau’ vess ün in mira, chi a me plaschess,
cha’l cour mieu tira, gugent il pigliess.
Dschè vus otras quia, scha mieu, sentimaint
ais sün buna via u ad erramaint.
4. Mamma schavus schais da nus mi lascher
que cha qui a ’vais nun vögl pü filar.
Scha tü hest filò il glin, schi fila eir la stoppa,
cha da’t marider hest temp ün’ otra vouta
___
1. Fila, fila, fila
mulinè melnüz,
cha la sair’es ida
e’l pavagl bod stüz.
2. Filunzas nu durmi,
Uoss’a me tadlè,
Eau stun not e di
in quist mulinè.
3. Eau m’impais cul cour
que cha nu poss dir,
cul maun tir eau our
e cul pè fatsch ir.
4. Vaiva proponieu
bod da’m marider
mo la mamma mia
disch, cha lascha ster.
5. Sun üna giuvnetta,
chi a bger m’impais,
vaiv’ün maruset
ma l’ais our d’pajais.
6. E perque gugent
ün oter pigliess bain,
fin ch’el es davent
e cha’l mieu vain.
7. Eau vess ün in mira,
chi a me plaschess,
chi mieu cour attira,
gugent il pigliess.
8. El filess la trama
ed eau l’urdimaint,
be cha’l cour d’ma mamma
füss scu mieu cuntaint.
9. Cur ch’eau vess filo
el pudess splajer,
ed intaunt darcho
eau pudess filer.
10. Sch’üna chotsch’manchess
in mieu mulinè,
schi güst el istess
mettess aint, eau se.
11. Sch’in mieu mulinè
manchess ün cuognet,
el mettess aint quel
bain ed inandret.
12. Ed a s-chartatscher
sgür ch’el am güdess,
launa s-charpiner
zieva maun pudess.
13. Cur cha eau urdiss
el füss lo preschaint,
ün fil chi’m manchess
el mettess quel aint.
14. E per trer sü’l cler
la tail’ el tgness.
Nu vess da’m sguber
e que comod füss.
15. Scha mè ch‘üna vouta
spouls druvess intaunt,
al dess vi la spoula,
ch’el quels mettess aint.
16. Cur ch’eau vess tessieu,
pigliess giò dal cler,
alura plaun mia
sü vuless plajer.
17. Cur ch’eau vess tuot fat,
gess eau a la faira,
pigliess in barat
roba alv’ e naira.
18. Dschè vus otras quia,
scha mieu sentimaint
es sün buna via
u ad erramaint
19. Ventüraivel di,
cha que füss per me,
da piglier scu dit
quel marus cha d’he.
20. Cur füss conturbleda
el am consoless,
e cur füss maleda
m’assister pudess.
21. Eau s’arouv o mamma
da’m vulair lascher
quel cha mieu cour ama,
sch’el am voul piglier.
22. Mamma scha vus dschais,
da nu’m il Iascher,
Gnö, cha qui avais
nu vögl pü filer.
23. Scha tü’st filo il glin,
schi fila eir la stoppa,
cha da’t marider
hest temp iin’otra vouta.
24. Gritta uoss’eau sun,
nu vögl pü chanter,
tuottas gè dal bun
as fer buzarer. |