| lyric | 1. Mer wonet zwimtzt im Oberland,
de Blick got bis an Alperand.
Det obem Dorf am Aengelstei
und vis-à-vis am Allmerai.
Do ziehts mi hi, det stohn i still
und luege uf mis Bäretschwil.
Mer singet alliwil:
Mir sind vo Bäretschwil,
im schöne Zürioberland!
2. De Bär isch euse Wappetier,
und so wien er, so simmer schier.
Au wänn de Winter bös regiert,
eim Hüüfe Schnee vor Pfeischter rüert;
es sell doch chute, wies nu will:
das gfallt is, das ischt Bäretschwil.
3. Mer läbet froh, händ frische Muet,
es gilt fürs alt und jungi Bluet.
Mer sind e freis, frohmüetigs Gschlächt,
und funklet d Sterne i de Nächt,
wird d’Liebi inis gross und still,
zu eusem schöne Bäretschwil.
4. Vom Ghöch in Rellschte,
s’Tal duruus, zänntume
trifscht i jedem Huus
und hinder jedem Studehag,
es Volch vo offnem, gradem Schlag.
Es ischt e Wält für sich und still,
es ischt halt eifach Bäretschwil. |