| lyric | 1. Zfriede sy, e schöne Sach!
’s gnüegt eim undrem Schindeldach,
’s gnüegt eim im e Hüttli chly,
schynt nu d’Sunn am Himme dry.
2. Häst en Chrüzer, luegst en a,
dänkst: Ich bin en ryche Ma!
Und dis Hüsli dunkt di groß,
wie ne propers Herreschloß.
3. Ficht di Chrüz und Chummer a,
dänkst: I chönnt’s no schlimmer ha!
Niemer gsehst, wo’s besser hei,
keine ist vo Sorge frei.
4. Läbt me zfride, wie me sott,
d’Zyt eim ring und liecht vergoht;
und fast ohni Sorg und Müeh,
trämpelist is Alter ie. |