| lyric | 1. Chum, gimer d'Hand,
mer wei no 's Weidli uf u gäg de Linde,
verschnufe und verchuele
no dem stränge, heisse Tag.
Im Bärgliacher tüe si no
die letschte Garbe binde,
me ghört si lache mitenand
und singe überm Hag.
Und d’Obeglogge finde
nodisno au zunenand,
us jedem chlyne Dörfli fohts
a töne: chum, gimmer d’Hand.
2. Am Himmel brünnts.
Mit breite, fürigrote Wolkefähne
winkt d’Sunne eusne liebe Bärge
es Gottbhüetech zue;
de mues si go,
E Vogelzug flügt hei
vom Jura äne und gägem Wald.
Es feisteret, und mir wei au zur Rueh.
So gäb is Gott e guete Schlof,
und dass vo Land zu Land
ei Möntsch im andre wieder
chöni säge: chum, gimer d’Hand. |