| lyric | Stand uf, iehr Schwyzerhirte!
Es gaht ä Trumme um.
Se briegg nid ase, liebe Schatz;
Bim Landesbaner ist my Platz.
I bi kei Stubesitzer,
I bi kei Ofehoker,
I bin ä chärche Schwyzer.
Drum zäpfdi und nim ’s Härz i d’Hand!
Mys Gspusli ist jetz ’s Vaterland.
Sym rote Fähndli hani na;
Gang’s hi wo’s well, will’s nid verla.
Stand uf, iehr Schwyzerhirte!
Es gaht ä Trumme um.
I wär sust für ä Fride gsy.
Mys heime lyt im Sunneschy.
Und wend s’ dr Fride chehre,
Buebs gnueg! Mer wend is rohde!
Es söll is niemer bherre.
Selang mer zämestand, wän’s gilt,
Und dörffi hend ist nüd verspilt.
’s Uränis Fähndli mueß vorus.
’s weißt d’Chündig wohl. Haarus, haarus!
Stand uf, iehr Schwyzerhirte!
Es gaht ä Trumme um.
Und bini bloß ä Schwyzerbur,
Mi weißt a für was me traid d’Mundur.
Es ist für ’s altgfryt Ländli;
’s ist für kei Chüng no Chaiser,
Es ist für ’s rowyß Fähndli.
’s flügt vor is har äs wien ä Bruust.
Miör trägid’s i dr Schwyzerfust;
Und was au chund, wer hend em Bstand.
Miär trägid d’Fryheit i dr Hand. |