| lyric | Sind miär nu urchi Schwyzerlüt,
Eifach i Wort und Rust?
Hend miär im Härz nu Dörffi hüt,
Hert Chnöde i dr Fust?
Frymänge hed äs fröndlachts Tue
I Sprach und Chleiderlappe.
Glych, ’s lyd am Fueß und nid am Schueh,
Am Chopf, nid a dr Chappe.
Sind miär nu alti Schwyzerart?
Vil Frönds chund üs dur d’Tür.
Clych, simmer’s nümme all am Bart,
Se simm’e innevür.
Im Schwyzerbärgland wachst ruchs Holz;
Mi darf’s äs Bitzli bschnyde.
Was schadt das üsem Schwyzerstolz?
Das Holz,. das mag’s verlyde.
Hend miär nuir Fräid am Schwyzerbund?
Haarus, mer wend m bstah!
Fry simmer, dilegued und gsund,
Und zäme wemmer ha.
Und was’s au um is ume gid,
Mer land is nid verwybe.
Sine miär nu Schwyzer alder nid?
Mer sind’s, se wemmer’s blybe. |