| lyric | Ä Iseboge wili nüd;
I wett äs Horebrust.
I bi keis Tökelbüebli meh.
Äs wien ä Spärbel magi gseh,
Und gleichig ist my Fust.
Und wäni au nu Junge bi,
Mi weißt nüd was’s nu git.
I üebe’s mit em horebrust.
Und hani ’s Träffe i dr Fust,
Cha’s ’s Gwehr dä syner Zyt.
Und rüeft me einist ’s Vaterland,
Und trummed’s zuem Abäll,
Se wil mi stelle wie dr Blitz.
Cha sy, es brucht ä Meisterschütz,
Cha sy, ä nüe Täll. |