| lyric | Es dimmered durs Täli
Dr OBeluft will cho.
’s chönd au im schwarze Fäli
Wie Chatze, d’Schatte no.
Im Stubli bini ghured,
Ha ’s Läbe überleit.
Ä Chatz hät uf mi glured:
Die dunkel Ebigkeit.
Dr Eint hät d’Hand zuem gyge;
Zuem predige dr Zweit;
Und där zuem Schyterbyge.
Und wie me’s bygt, wird’s trait.
Hilf, Üserherrged träge,
Wän mir mys Chnü versait!
Am Ofe bini gläge.
Keis Mürli wyt no breit.
Blöiß nu äs Schybli zitt’red.
Mi achted’s währli chuum.
Cha sy, as’s neime gwittred.
Cha sy, ’s Wildheer goht um. |