| lyric | Es ist um Wiehnacht ume gsy,
Won ich äs Buebeli gsy bi
Im teuffverschnyte Heimedtal.
Due hemmer dä am helge Tag
I üs’rem Schuelhuschileli
Ä schöinischöini Wienecht ka,
D’Stadt Bäthlihäm. Und unnedra,
Im alte Weidstall, wintsch und schly,
Ist ’s Chrippli mit em Heiland gsy.
D’^Stadt Bäthlihäm am Sunnerai,
Ist wyß gsy wie vo Hälffebei;
Und ’s ist eim gsy, es gieng dri um
Vo Liechtlene äProzässion,
So hend dri alle Schybli zündt.
Wie ’s füürig Schiltli uf em Härz
Vom Ängel, wo wyst himelwärts
Ä schüüchi blindi Armmiseel,
Wo ggmeint hät, ’s gieng jo gwüß i d’Hell.
Gly bini alt, my Heimed lyt
Am Zürisee, scho langiszyt.
Und glych, wän ich im See nogoh
Säg d’Stadt, im Sunneundergang
Und d’Schybli glitzered wie Füür,
Sen isch mer siä, dr Bärg uf chäm
Die helig Stadt vo Bäthlihäm.
Und ’s ist mer, drunder niemewo
Sött ’s Chrippli mit em Heiland stoh. |