| lyric | Wie stiend's au herrli i dr Wält,
Wän ’s Härz regierti statt em Gält.
Das miecht nüd settig d’Kure.
Mi müeßt dä nüd äs wien ä Spatz
Usluege öb eim nüd ä Chatz
Tüeg neimewo uflure.
Mi luegti dä nüd wien ä Drak
Ufs Scheuhwärch z’erstm dä ufe Sak
Vo üs’rem liebe Nöichste.
Mi wund’redi sy Auge uy.
Und grüeßti d’Seel eim früntli drus,
Se gult eim das am höichste.
Mer sind dänkwohl nu wyt dervo.
Sewyt as d’àrde ist vom Mo.
Und glych, ’s chunt einist ase.
Dä gönd dr Nyd, dr Haß und Gyt,
Wil d’Blueme grotes für all Lüt,
Nid blöiß ufs Nochbers Wase.
Dä chömed d’Liebi und au d’Freud,
Wil niemer läbt i disem z’Leid,
All off hend härz und Türe.
Dä tuet me alls as’s absi goht,
As nie keis Chind meh chunt i d’Not,
Mueß hungere und früre.
Dä tuet me alls as Jede glych
Sys eigi Plätzli hät und Rych
Und au sy eigi Meinig.
Dä lot me Jede syne sy,
Vom Nochber und vo allne fry,
Blöiß i dr Liebi einig.
Wer glaubt hät nu as’s ase chäm?
O liebe Stärn vo Bäthlihäm,
Was simmer dr nüd noe?
Dä hettist d’Dünkli von is gno,
Scho lang i d’Heit’re ’s Tor ufto,
Mit dym guldgälbe Toe. |