| lyric | I Mäntsch, o Trälleälteri,
Uf dere Puggelwält!
Mi beited uf d’Grabbäteri,
Bis ’s Beihusglöggli schällt.
Mi leit si ab is Chileloch,
Und hökt si müslistill.
He, überobe goht’s jo doch;
Mi mangled niemer vil.
Und häst weiß weles Gwesi ka.
Gmeint, d’Zyter müeßed bstoh,
Wänt s’ du eis nümme luegist a,
Und d’Wält müeß undergoh.
Häst du dr Ture zBabel but?
Igfädled du dr Blitz?
Jetz bist wien ich se läär und blut;
’s Dänlmol nützt dir kei Bitz.
Und du bist groß und ich bi chly;
Und gsehst, ’s goht dobe blych.
Mi laufft a üs’rem Grab verby,
Und pfyfft uf dich und mich.
Las s’ pfyffe dobe. Üs isch bas.
Kei Brüeder tuet is weh.
Sind ohne Liebi, ohni Haß;
Nüd wüüsche müemmer meh. |