| lyric | Mer lached über d'Heldzyt?
Si hät is vo dä Chünge gfryt,
Üs sälber gmacht zue Chünge.
Wer spöttled über d’Heldetat?
Si hät is d’Döirffer but und d’Stadt
Us alte Zwingburgringe.
Was hetted ihr z’Morgarte to,
Ihr Änzer? Wär’s uf üch acho,
Mer wäred hät nu Sglave.
Mer stiended und’rem Geßlerhuet;
Mer lufed dur nes Meer voll Bluet,
Und wüßted au kei Hafe.
Die Alte hend mit scharpfem Biel
Agwäged durs verflüechtist Gstriel,
Drumm hemmer hüt guet lache.
Und glych, wer gseht wie’s rücht und stübt,
Luegt hüt as ’s Bieli ghauig blybt,
Anstatt Koländer z’mache.
Es sind nu nüd all Drake tod;
Mer müend nu chummere ums Brod
Au um d’Ellbogewyti.
Und ’s ist eim schier, dem köired Tätsch,
Wo für ’s schöin Gärtli z’mitzt im Nätsch,
Fürs Schwyzerland nüd strytti.
Und wämer schirmmed üs’re Schwyz,
So sorged mer dä allersyts,
As d’Freiheit hüd goht under.
Si hät dr Stamm i üs’rem Land;
Är lot sys Äst wyt usenand,
Bis alli Wält mag drunder. |