| lyric | O Schwyzerland, was sind au das für Zyte!
Dys Fähndli flügt äs wien ä glähmte Gyr.
Bringt’s chuum ufs Dach me a dr Bunderfyr,
Zuem alte Näst us und’rem große Mythe.
Hend üser Ähnilüt vergäbe gstritte?
Wer freut si nu am Augstefryheitsfüür?
Und geng die Chriegsragette vor dr Tür
Ächt heitere i üser rüebig Hütte?
Und erst die Schynguldlüchter innerhalb,
Wo s’ gschmugled hend i üsers eifach Hus,
Si chönd eim schier wie Blänlatärne vor.
O Schwyzervolch, im Tal und uf dr Alp,
Lueg nüd no fröndem BRand und Füürwärch us.
Gwahr ’s eigi Liecht! Gly wärmmt’s di tused Johr. |