| lyric | 's Bogäli gemmer abe!
Mer wend äs Trünkli tue.
Gesdunheit, ihr Schwyzerchnabe!
Und hemmer hüt ä guete Wy,
Se söll r flätig trunke sy.
Gottlob, dr Wältchrieg ist verby.
Gsundheit im Schwyzerländli!
Gsundheit i aller Wält!
Hüt gilt äs wyßes Fähndli.
Mer nend’s i üs’ri Hirtehand,
Mer schwinged’ übers Meer und Land.
Sys Sprüchli heißt: Verstönd änand!
Drumm wemmer d’Tschöippe chehre,
As ’s Härz a d’Heitri chunt.
Im GRade stömmer d’Ehre.
Das Chrumm, öb’s alt syg oder nü,
Verachtetd mer. Wend redli sy
und ufrächt Schwyzerl¨t und fry.
’s Bogäli wemmer höihle,
Äs trünkli wemmer tue!
Was rsotig ist, söll’s öile.
Mi sait, es chäm ä bess’ri Zyt,
Ä Wält voll Hungunddankebrüt.
Was gilt’s, si wird prezys wie d’Lüt.
Glych, d’Hoffnig ist das trüist,
Was mir uf Ärde hend.
Das ältist und das nüist,
Ist üs’re Stab und üs’re Muet.
Drum trinked mer ufs gfreutist Guet,
Uf d’Hoffnige im Schwyzerbluet. |