| lyric | Us em Guggehürli
Hani ’s Pfyffli blose.
Au am Allmedfüürli
I dä Alperose.
’s ist sewyt as ’s Pfyffli
Mag umgoh,
Jedes Spinnebeindli
Z’ tanze cho.
Han äs zündrots Fähndli
I mym Ähniwoppe.
Ha bluetroti Liedli
Und’rem Schwyzertschoppe.
Han au Tänz alls grasled
Vo dä Elt’re no.
’s ghuffned Härz voll hend s’ mer
Zämeto.
Bin ä Schwäbelpfyffer,
Bin ä Liedlibringer;
Bin ä Schuelverschlüsser
Und ä Landussptringer.
Weder Tänz und Liedli
Helfi jso.
Gstabed mached s’ gümpisch,
Trurig froh.
’s Gmüet und d’Alpeweide
Hand nüd eistig Summer.
D’Blueme gönd und d’Freude;
’s cömed Schnee und Chummer.
Wo im Härz äs Weidli
Wil abstoh,
Spili Blueme drüber,
Rot und blo. |