| lyric | Det stoht äs Stärnli uf em Rai;
Und jetzed tusigi üb’rei.
Und glych, jeddwedes ist ällei,
Äs wien ich au. -
Wie chsast au rede, Härz!
Wie chämtist wältus, himelwärts
Hett’s nüd im Ampeli äs Liecht,
Ä trüi Seel wo’s heiter miecht.
Und glych, fyneisit isch mer schwär,
Wie wän keis Liechtli ume wär.
Wält, hell und himel, alls ist läär.
Und ’s tüpft keis Tau
Uf mys verdored Land.
’s chunt übers wien ä dunkli Hand,
Wie d’Dechi vom ne Totebaum;
Äs Schattetuech, ä schwarze Traum.
Und all die Träum vo Guldpapier,
Wo tag und Nacht i mir chönd vür,
Verschränzt die Hand äs wien ä Gyr.
O liebi Frau!
Was wär das für ne Fluech,
Chämt nüd dys Liecht as Schatteteuch
Bis drus äs Freudefüür ufgoht,
Wie us dr Nacht äs Morgedrot. |