| lyric | Mys Wybli ist all Batze wärt.
Äs folged mer äs wien äs Schwärt,
Und ist zue allem willigs.
Und tueni mit em wien ä Leu,
Äs lost und hät si müslistil,
Und handchehrum macht’s doch was’s wil.
Mys Wybli hused was’s nu cha.
Leit’s öppe glych äs Gwändli a
Vo Sammed und vo Syde,
Isch allewyl vo altem Züg.
Chunt doch fürs Gwand dr Kunte gly,
Se zahle ne und ’s gfallt mer dri.
Au hangt äs a mer wien ä Spächt.
Und was i säge, ’s git mer rächt,
Und saiti, ’s Füür syg gfrore.
Chruzum, ich bi dr Herr im Hus.
Und was i wil und was i tue,
Mys Wybli lächled still derzue.
Worum? Äs kännt mi wie ’s Wandzyt.
Und wies’ mi richted gohni hüt.
Jänu, ’s söll niemer wund’re.
Das chlynst barbeinig Maiteli
Schleikt jo dr gsturetst Muni no,
Dur d’Allmed us; ’s wird’s halt verstoh. |