| lyric | 's Marieli wil i d'Beeri goh,
Due laufft em ’s Nachbers Veri no;
Und wien äs gseht där gleichig Chnab
Se stellt’s sys Chrättli gleitig ab.
Är hät em liebe Busel gsait;
Is Schöißli ihm sy Chrusel gleit.
Was hät jetz ’s Chrattezeindli ka?
Ist eim, es wachsed Beindli dra.
Und wo dur d’Weid äs Windli singt,
Das Chrättli wien äs Hündli springt.
„Wo häst dän au dys Chrättli glo?“ -
„’s wird neimewo im Mättli stoh.“ -
Dr Herbstwind hät am Raindli gspilt,
Und drüber ’s Chrattezeindli trüllt.
Dr Winter schikt ä Räße Bys,
Tröilt ’s Chrättli bis is Bäsechris.
Und wo dr Mai dur d’Ästli lacht,
Hend d’Vögel drus äs Nästli gmacht. |