| lyric | Cha chrutere und fut're
und tagmere wie lätz:
Bi glych ä armme Tschoppe,
Do uf mym Gnoßeplätz.
Cha graggere und gwirbe
Die ganz usländig Zyt.
I ha nüd wän’s wil gruene,
Und niene nüd wän’s schnyt.
Wil einewäg nüd chlage
Selang i gsunde bi.
Ha sibe grade Göifli,
Äs Wybli, brav und fry.
Und $tzed s’ blöiß gschwellt Gummel
Und siä ä bluti Brüeh,
Si juzed glych bis’s nachted
Und nachts bis morgedfrüeh.
Villicht ist eine drunder,
Bringt’s wyter weder ich.
Cha sy, i han ä Junge,
Wo Rotsherr wird und rych.
Cha sy, i han äs Maitli,
Si wird ’s Landammers Frau.
Sind all widleich wie Yje,
Und gäreha chönd s’ au.
Und mueß mys Wybli tramppe
Im Gstüehdel früeh und spot,
Villicht chunt np äs Füeßli,
Wo über Sammed goht.
Unjd mueß i mit dr Schufle
D’Hell nüele us em Härd,
Cha sy, $ Fust chunt noe,
Und schmided drus äs Schwart. |