| lyric | All Mörged und Öibed
Sind schp wider chüehl,
Und ’s Chloster hät gheude.
’s Veh laufft uf em Brüel.
Und d’Einsiedler Chilbi
Ist au nümme wyt.
Es dured nüd ebig
Bis ’s D’Mythe verschnyt.
Die bloe Änziane
Chönd vüre und ’s Brüüsch.
Und d’Bärgecho mached
Äs Gwesi und Grüsch.
Im Waldwinkel ’s Chloster
Und ’s Dorff grad äso,
Sind rüebig und dänked
’s wärd wohl öppe goh.
Drobzue d’Chilezyter
Wie d’Apärbel gend s’ acht
Uf d’Schritt, wo dr Schatte
Vom Bärg noe macht.
Nu höicher äs Tübli
Hät ’s nüd se schwär gno.
Und hät üb’re Schatte
’s wyß Fäkli lo goh. |