| lyric | 's bysed lang scho uf dr Weid.
’s hät si alls is Grebli gleit.
Kei Härdwäslig, ufundab,
Wo nüd ist äs zähfachs Grab
Und kei Wase und im Gstüüd
Wekt ä Farb, no i mym Härz
Meh ä Hoffnig. ’s Grab ist zue.
Und dr Chummer wien ä Flueh
Hät r si drufane gleit.
’s lupft ä nüd am dritte Tag,
Nüd i alli Ebigkeit.
Mer chunt det dur Plangge ab?
D’Sunne mit em guldne Stab.
Was er tüpft und won er goht,
Färbt se si guldgälb und rot.
Won r himag, jede Rai
Wird ä Garte; jede Rai
Wird ä Garte; jede Stei
Wird äs Wiegli. Au mys Härz,
Won ä ganze Bärg druf lyt
hät r tüpft. O helgi Zyt!
’s totnig Juppedihee, was ’s mag,
Fahrt im Hui himeluf,
Lang scho vor em dritte Tag. |