| lyric | Es dimmered und 's Land wird still;
Und Üserherrgeds Ballespil
Wil d’Nacht us ringelreihe.
Und au die röitist Ros wird gro;
Und au das frohist, heißist Härz
Gwahrt Schatte uf sym Maie.
Es dimmered. O liebi See,
Meinst eistig nu, es chäm äs Gfell,
Und chromm dr äntli Fride?
Es din dry Fraue uf em Bärg;
Si spinned üs’re Wärchtigrust
Und ’s Sunntiggwand vo Syde.
Und wie s’es spinned, müemmer’s näh. -
O Seel, und bist hüt wien ä Chräh,
Se singst wie d’Amsel more.
Und was dr D’Fraue gspunne hend,
Und wie’s au dimmred dur dr Wält,
Gib’s ebignie verlore. |