| lyric | Es schnyeled äs Schneeli,
Und wyß sind Bärg und Port.
’s wird überei se rüebig.
Mi köirt äs jedes Wort.
’s ist überei se heiter;
Zäntume isch se still.
Mi gwahrt im Aug dr Juzer,
Nu öb r use wil.
Jetz use, all my Juzer!
Gönd über d’Höichi us,
Und gönd ums Chytzeschybli
Is Annebethlis Hus!
Und gönd durs Schybli ine,
Und hend sym Öihli no!
Und lueged durs rot Schlössli
Is Härzli abe z’cho! |