| lyric | Wie sötted mer die Stimm lo goh,
Wo üs vom Wiegli chunt no
Mit Dädä und mit Nännä.
Mit ’s Muetters Auge ihrem Schy,
Mit ’s Ättis chärschem Schwayzerwort,
Mit Schatte und mit Sunneport,
Und mit em Heimedglöggli dri.
Wie sötted mer die Stimm lo goh,
Wo üs chunt wien ä Musig no,
Cho Chilbitänz ufmache.
Wo’s öppenau nu schöiner cha:
Wie ’s tröpfled i dr Lanzizyt
Vom Gwätu ab ufs Pfeisterbritt,
As d’traumst, es spil ä Harpfe dra.
Wie sötted mer die Simm lo goh,
Wo tags git ume ’s Bärgecho
Und neime nachts äs Schybli.
Wo mit is chunt i d’Trur und Gfell,
Bis ’s eim is Chileloch ableit.
Die Stimm vo ’s Farbegschirrli trait,
Wo mir drus moled Wält und Seel. |