| lyric | 's ist alls se ducht und rüebig;
Es herbsted überei.
Und d’Mungge warned nümme.
Vergange sind all Stimme.
Bu mutterseelenälei.
O Jüger, liebe Jüger,
Was häst mer dän au gsait?
Scho röited si d’Ahore.
Vilic hter as scho more
Dr Bärg ’s wyß Chäppli trait.
O Jüger, liebe jüger,
Es ist mer, es syg hüt.
Grad hani afo füüre,
Due stohst mer i dr Türe,
Und lachst und wüüschist d’Zyt.
Schier ist mer ’s Füür vergange;
Han nüd gwüßt woni bi.
Ha d’Glüete welle blose,
Due sind s’ rot Alperose
Im Schöißli inne gsy.
Vergältsgott für die Blueme!
I ha s’ is Chrüegli to.
Und hend s’ dr Schy verlore,
I gsehn ä hüt und more,
Wie gester vor mer stoh.
I ha nüd gfrogt wohare,
I ha nüd gfrogt wohi.
Weiß blöiß vo dyne Schmütze,
Äs ummi d’Wält vo Blitze
Äs Freudefüür ist gsy.
Häst gasit: Liebs Allmedröisli,
I dir blöiß hani no!
Bin ich äs Rosechelchli,
Se hani dri dys Helgli
Wies Byli ineglo. |