| lyric | Uuh le le le, uuh le le le!
Hüt chunt r währli nümme.
Tschäff! Geißli mached i durab!
Es dunkled scho dur d’Tobel,
Und ’s ist eim schier, es gieng is Grab.
I Chilechhof das wili nüd,
Es ist mer nu nüd drüber.
’s ist öppis für die alte Lüt.
Z’erst wili nu ä Chilbi ha;
I Weiß jo chum wie ’s Gygli chyt.
Keis Gygli köirt das hani nie.
Ha glych dr Tanz im Füeßli,
Sid är mich einist uf sym Ghnü
Hät heimli lo gygampfe.
Ist öppe due my Chilbi gsy?
Uuh le le le, uuh le le le!
Keis Gygli brucho z’köire.
O gsächti au my Jäger cho!
Dä hetti jo dr Tänzer,
Und d’Chilbimusig trait er no.
I syne Auge hani’s gseh,
D’Tanzmusig sitzt driine.
Mi gseht ’s Trumpettli glänze dri,
Und ’s Gygli köirt me juze.
Es jagt eim uf wie wältsche Wy. |