| lyric | 1. Bi froh, daß i no ledig bi!
Meinst, s’heig mi keine welle?
I will d’r, wartist no ne chly,
es dotze graf ufzelle,
wo vor mer hei tänzlet,
unag’ha, gscharwänzlet,
u heimi doch nid übercho.
2. Vo mine G’spiele het ja scho
e jedi es paar Chindli;
sie hei d’r erst, wo cho ist, gno,
u wäsche jietze Windle.
Si cheu mi fei duure,
de heime z’versuure,
mi het no keine übercho.
3. I bi no ledig u bi froh
u möcht vor Freude jutze;
es wäre mer z’wider so jung scho,
gäng z’wiegle u gäng z’putze.
Chunt aber mal eine,
e brave und freine,
dä wird mi scho de übercho. |