| lyric | 1. Un i bi ds Truebermeitschi,
daheim im Aemmital,
ma springe wie-n-es Geissli
bärguf und ab i ds Tal.
Cha singe wie ne Lerche,
mi Stimm tönt lut ids Tal,
i bin im Trueb daheime,
im schönen Aemmital.
2. Am Morge grüsst mi d’Sunne
scho früeh u lieb bim Huus,
i gumpe gschwing zum Brunne,
u wäsche d’Ougen us.
De aber flingg zum wärche,
das ist mir ja kei Qual,
i bin im Trueb daheime,
im schönen Aemmital.
3. Wie mir cheu zäme schaffe,
mi Brueder Hans un i,
mir tüe nid Zyt vergaffe,
’s mues alles fertig sy.
Mir singe au bir Arbeit,
bim Jutze hei mer d’Wahl,
i bin im Trueb daheime,
im schönen Aemmital.
4. U muess i furt, Gott b^hüet di,
mis liebe Heimattal,
ach, Ätti u mis Müetti,
was het mis Härz für Qual.
Au us der wite Ferni,
grüess ig euch tuusigmal,
i bin im Trueb daheime,
im schönen Aemmital. |