| lyric | 1. We's doch gly einisch grüene wett,
uf üser chlyne Matte,
we doch mis Böimli Blettli hätt,
so wäre mir am Schatte!
2. We doch die Sunne schyne tät,
mir chönnte se guet bruuche,
u üser Wöscherwyber o,
sie sy scho sträng am buuche.
3. We doch mi Geiss es Chueli wär,
wei wett i Anke mache,
em Ueli tät i no so gärn
all Bott es Chüechli bache.
4. We doch mis Hüsli grösser wär,
so chönnt mi besser chehre
u gäge mänge suure Luft
es bitzeli beser wehre.
5. U wil das alls nid mügli isch,
u d’Wält voll strubi Händel
so bin i z’friede so wie’s isch,
ha Ueli glych am Bändel. |